1. |
Wält im Chopf
03:03
|
|||
Am Morge früe hät’s glütet
Ich stah dusse vor de Tür
Ich mach mir sälber uf
Doch ghöre nur de Wind
Ich gah zrugg is Bett
Und dänke bitzli na
S’dunkt mi, dass öppis vor de Tür vergässe ha.
Am Mittag pflanzi Rose
Han es wiises Hämli a
Ich grabe dus es Loch,
Wo-n-i min Chopf cha abelaa
Ich gseh bi mir dur’s Feischter,
Wie-n-i sälber masturbiere
Näb mir sitzt en Elefant und andri wildi Tiere.
Am Abig gangi us
Gsehne villi dicki Fründ
Si stecked i de S-Bahn
Hoffed uf en Lotto-Gwünn
Ich spaziere a de Limmat
Lueg de Sunne hindenah
Ich luege uf de Bode, wo-n-i mini Füess han glah.
Dänn willi hei
Checke mit em Fahrplahn
Doch de Ort, wo-n-i bi hercho
Isch verschwunde mit ‘me Tram
So nimi halt de Nüner
Gange wiiter bis am Morge
Und wache-n-uf bi mir dihei verusse vor de Türe
Pink und gähl isch mini Wält
Doch eiglich isch si wiiss
Ich bi meischtens glücklich,
Doch mängisch gaht’s mer miis.
Ich han es grosses Härz,
No grössri Händ zum öpper liebe
Ich bi blööd und öppe schlau
Und wird au beides bliibe.
Am Morge früe hät’s glütet
Ich stah dusse vor de Tür
Ich mach mir sälber uf
Doch ghöre nur de Wind
Ich gah zrugg is Bett
Und dänke bitzli na
S’dunkt mi, dass öppis vor de Tür vergässe ha.
|
||||
2. |
Café & Canapé
04:56
|
|||
Verusse schlicht en alte Hund verbii,
S’isch Friitig
Di Alte sitze bi-m-e Glas
Si tüend, als wäred’s s’erscht Mal da
Verzelled Gschichte
Wo’s bim letscht Mal ghört händ gha.
Nu mängisch dänke-n-i dra
Wie mir dänn sind
Dick und dünn und schlau und dumm
Wahrschindli alls ufs mal.
Ja mängisch dänke-n-i dra
Wie mir dänn sind
Dick und dünn und schlau und dumm
Wahrschindli alls ufs mal.
Im Garte usse staht en Buur
Ir Hand hät er en Stumpe
Jetzt streut er Äsche is Gras.
Er pfuttret über s’Wätter
Über d’Chind, wo dusse tschutet
Drum gaht er zrugg is Huus und luegt en Match.
Nu mängisch dänke-n-i dra
Wie mir dänn sind
Dick und dünn und schlau und dumm
Wahrschindli alls ufs mal.
Ja mängisch dänke-n-i dra
Wie mir dänn sind
Dick und dünn und schlau und dumm
Wahrschindli alls ufs mal.
Mängisch tunkt’s mi,
dass di Alte meh so tüend,
als dass si würkli sind:
Stönd am Morge vor em Migro
Trinked Caffe, ässed Canapée.
Mängisch tunkt’s mi,
dass di Alte meh so tüend,
Pimped ire Rännrolator
Bränned dure mit em Testament.
Nu mängisch dänke-n-i dra
Wie mir jetzt sind
Dick und dünn und schlau und dumm
Wahrschindli alls ufs mal.
Ja mängisch dänke-n-i dra
Wie mir jetzt sind
Dick und dünn und schlau und dumm
Wahrschindli alls ufs mal.
|
||||
3. |
Rollträppe
02:53
|
|||
Ich sitze veruss uf em Balkon
Und chegge d’Wält noni ganz.
D’Sunne schiint mer ufe Buch,
Min Kafi isch scho länger chalt.
I ha gester vu dir träumt
Und hüt gsehn-i di im Bus,
Wo mi überrollt wie-n-en Pflaschterstei
Hinde-n-use chumi total flach.
D’ Rollträppe duruf da dränglet sich d’Lüüt
I de Mitti haltet’s eifach aa
I nime dini Hand und drück si fescht
Unter ois gitt de Bode nah.
D’ Rollträppe duruf da dränglet sich d’Lüüt
I de Mitti haltet’s eifach aa
I nime dini Hand und drück si fescht
Unter ois gitt de Bode nah.
Im Garte unde sitzt en Wurzelgnom
Und zieht d’Oschterglogge dure Dräck
Ich triffe dich per Zuefall bi de Rundrännbahn
Mir trinked en Kafi-Schnaps.
D’ Rollträppe duruf da dränglet sich d’Lüüt
I de Mitti haltet’s eifach aa
I nime dini Hand und drück si fescht
Unter ois gitt de Bode nah.
D’ Rollträppe duruf da dränglet sich d’Lüüt
I de Mitti haltet’s eifach aa
I nime dini Hand und drück si fescht
Unter ois gitt de Bode nah.
Ich sitze veruss uf em Balkon
Und chegge d’Wält noni ganz.
D’Sunne schiint mer ufe Buch,
Vis à vis wird en VW tankt.
|
||||
4. |
Andersch und in Blau
02:56
|
|||
Schick mer doch emal e Post
Vu dene Felse und vum Meer
Bi mir git’s nume Berge
Ich wett mal öppis anders gseh.
Ich wett de Wind au gspühre
Wo eim d’Nackehaar ufstellt
Wott d’Möwe, d’Wälle ghöre,
Vu dene du mir verzellsch
Well da isch alles äng und dunkel
D’Sunne schiint am Mittag
Am Abig gaht si under
I de Nacht da gaht es Geischtli ume
Und chrücht zu mir is Bett.
Das isch doch alles nüt für dich
Du tänksch, mir wäred glich
Was ich han, das häsch du au
Eifach andersch und in blau.
Verzell mer vu de Wälte,
Wo’d am Tag bereise tuesch
Zeig mer dini Startragete,
Wo’d zur Venus flüge chasch.
Ich han zwar sälber Flügel
Doch en Kompass hani nöd
D’Charte hanget a de Wand
Doch läse chani nöd
Ich stell mer vor, ich wäri dich
Und wür dur’s Läbe suuse
Da hetti gopfridstutz vill ztue
Und d’Geischter würed pfuse.
Das isch doch alles nüt für dich
Du tänksch, mir wäred glich
Was ich han, das häsch du au
Eifach andersch und in blau.
Du meinsch, du wärsch de/di Einzig
Dem/dere sini/iri Geischter öppe gemein sind
Was du häsch, das han ich au
Eifach andersch und in blau.
|
||||
5. |
Tanz mit em Tüfel
04:20
|
|||
Di Alte sufed Wiise
Scho am Morge früe
Di Junge guened ume
Hinder de Meitli nah.
Si tüend als wäred’s Helde
Ich dänke nur a dich
Ha di nu vo Wiitem aagluegt
Träume vu vill meh.
Ich tanze mit em Tüfel
Eimal z’ringelum
Ich chum nöd würkli fürschi
Mit dem alte Sack
Ich tanze mit em Tüfel
Eimal z’ringelum
Ich chum nöd würkli fürschi
Mit dem alte Sack.
Du tanzisch uf de Wise
Luegsch nöd umenand
Hetti nöd zwei linki Socke
Nähmti dini Hand
Mir sind verusse gsprunge
Händ de Himmel gseh
Jetzt gsesch mi dänn au nümme
Häsch mi villicht nie gseh.
Ich tanze mit em Tüfel
Eimal z’ringelum
Ich chum nöd würkli fürschi
Mit dem alte Sack
Ich tanze mit em Tüfel
Eimal zringelum
Ich chum nöd würkli fürschi
Mit dem alte Sack
Ich stahn au uf de Wise
Han en dumme Latz
Weiss nöd, was i würkli wetti
Weiss nöd, was i han
Ich tanze mit em Tüfel
De Tüfel tanzt mit mir
Gäbsch mer nur es einzigs Müntschi
Tanzt er au mit dir.
Ich tanze mit em Tüfel
De Tüfel tanzt mit mir
Gäbsch mer nur es einzigs Müntschi
Tanzt er au mit dir.
Mir tanzed mit em Tüfel
eimal z’ringelum
Chum tanz no bitzli wiiter
S’chunt ja nüm druf aa.
Ich tanze mit em Tüfel
De Tüfel tanzt mit mir
Gäbsch mer nur es einzigs Müntschi
Tanzt er au mit dir.
Ich tanze mit em Tüfel
Eimal z’ringelum
Ich chum nöd würkli fürschi
Mit dem alte Sack.
Mir tanzed mit em Tüfel
eimal z’ringelum
Chum tanz no bitzli wiiter
S’chunt ja nüm druf aa.
|
||||
6. |
S'Echo vu Geischter
04:32
|
|||
Ä Rose bim Tor
Es wilds Himbeergstrüpp
Es Hus und en Hof
Es bitzli verwünscht
D’Schiibe sind läär
Nume d’Spieglig luegt zrugg
So voll vu de Lääri
So still und drum luut
Well s’Echo vu Geischter
Verhallt meischtens nöd.
Well s’Echo vu Geischter
Verhallt meischtens nöd.
Es alts Gummiboot
Es Buech uf me Gstell
En Fuess i de Tür
E Hand am Klavier
Gsichter ziend dure
Und Gsichter zient furt
S’isch alles no da
Und glich scho lang wäg.
Well s’Echo vu Geischter
Verhallt meischtens nöd.
Well s’Echo vu Geischter
Verhallt meischtens nöd.
|
Radioprojecteur Zürich, Switzerland
Radioprojecteur ist eine Mundartband. Die Songs reichen von neuen Volksliedern über jazzige Intermezzi zu Rockballaden. 2018 startete Quirin Streuli das Projekt. Mit Linda Messerli und Benedikt Elmaleh wurde Radioprojecteur zu einem Trio mit ungewöhnlicher Besetzung (Gitarre, Cello, Bassklarinette, Gesang und musikalischen Fundstücken), Mundarttexten und vielfältigen Klangwelten. ... more
Streaming and Download help
Radioprojecteur recommends:
If you like Radioprojecteur, you may also like:
Bandcamp Daily your guide to the world of Bandcamp