1. |
Summervogel
03:09
|
|||
De Salzstreuer ufem Tisch und Summervögel i mim Buuch.
'S isch Summer, i de Gass isch's luut und dinne isch es schwüel.
Ich wirf en Blick veruse, dräi am Rad und zieh de Anker ii.
Wär lieber mit dir furt, veruss im Gras, wo d'Hase si.
Ich streck min Chopf usem Panzer,
Ich steck en in Sand am Meer.
Flüg immer mal wieder ufe Ranze,
Wott flüge und zwar mit dir.
De Salzstreuer ufem Tisch und d'Summervögel flüged uf.
'S isch Summer, i de Gass isch's luut und ich wär lieber furt.
Ich streck min Chopf usem Panzer,
Ich steck en in Sand am Meer.
Flüg immer mal wieder ufe Ranze,
Wott flüge und zwar mit dir.
Ich streck min Chopf usem Panzer,
Ich steck en in Sand am Meer.
Han e postmoderni Bürolampe,
Han am Pöschtler dis Handtuech gäh.
|
||||
2. |
Drü alti Manne
07:08
|
|||
Drü alti Manne, stönd am Strassestrich
Drü zerzausti Sturmfrisure und känne hät es Gsicht
Drümal händ's am Tüfel grüeft, im Dunkle, i de Nacht
Drümal isch de ufecho und hät si nur usglacht.
Uf ere verwunschne Alp gönd d'Liechter hür nöd us
D'Lüüt im Dorf, die wüssed's, si sperred drum d'Gärte zue
Si sperred iri Müler uf, use chunt warmi Luft
De Pfarrer isch vercheltet und uf der Alp
Da git de Fön
Kei Rue.
Verdunkleti Schiibe, verläbti Summerträum
Zwe vergrauti Augeliechter, es schöns Gsicht ohni Sinn
Si gaht dur d'Strass, schänkt Blueme'n'us, schänkt kartonierti Gfühl
Si gseht us wie'n'es Meiteli und isch doch en alti Seel.
Uf ere verwunschne Alp gönd d'Liechter hür nöd us
D'Lüüt im Dorf, die wüssed's, si sperred drum d'Gärte zue
Si sperred iri Müler uf, use chunt warmi Luft
De Pfarrer isch vercheltet und uf der Alp
Da git de Fön
Kei Rue.
Drü alti Manne, drü verliebti Chind
Drü entlaubti Frauechör verschwinded mit em Wind
De Schnee verblast's, wüscht d'Spure us, de Strassestrich isch leer
D'Lüüt im Dorf sind d'Sorge los und 's Liech ir Alp verjährt.
|
||||
3. |
Dur alli Sunne
05:36
|
|||
Uf de Gass gönd d'Türe zue
Und ich gang wieder hei.
Du blibsch elei veruss,
Hoffsch uf meh, häsch nonig gnueg.
Dusse breitet d'Nacht sich us,
Ich falte Altpapier.
Schribe dir en letschte Brief,
Doch du chunsch wohl nöd drus.
Mir sind dur alli Sunne gheit
Händ ois amne Stärn verschluckt.
Traued ois sälber nüm,
Versinked tüüf im Meer.
Alti Träum verstauben nöd,
Drum trinke'n'ich en Tee.
Du rännsch scho 's dritt Mal um de Block,
Jagsch Maichäfer mit em Gwehr.
Mir sind dur alli Sunne gheit
Händ ois amne Stärn verschluckt.
Traued ois sälber nüm,
Versinked tüüf im Meer.
Eine vu ois beide
Isch sälte'n'elei.
Eine vu ois beide
Gaht hüt eleige hei.
En alte Maa im Nachtazug
Güsst d'Tulpe vorem Tor.
Ich lueg no einisch zum Feischter us,
Doch du bisch scho lang nüm det.
Dunkelroti Lampe,
Violetti Lüüt.
Dunkelrot isch 's Bluet,
Wo schnäller überschümt.
Mir sind dur alli Sunne gheit
Händ ois amne Stärn verschluckt.
Traued ois sälber nüm,
Versinked tüüf im Meer.
|
||||
4. |
Graue Schnee
04:40
|
|||
Lueg d'Sunne
Si bländet.
Und lueg det ufem Hügel
Di Alt und de Stöffel.
Jetzt gönd's wieder.
Graue Schnee vor mim Fänschter,
'S wird meh und glii gsehni nümm,
Was dusse alls tuet passiere
Und 's isch mer eich au glich.
Dunkli Alpechrüter
Hani zum Trank dir braut:
Schneeglöggli, Enzian, Kerbel
Und blaue Isehuet.
Trink us, mis Liebschte,
Trink us, mir liged hii.
Graue Schnee uf de Gsichter
Und bald schneit's ois ii.
|
||||
5. |
Räubergspängschter
04:25
|
|||
Zwe verreckti Räubergspängschter gäbed eine'n'us.
'S Morgerot isch startbereit, si sind wiit drüber us.
Si händ di ganz Nacht gsoffe, händ d'Bire volle Schnaps:
Williams im Iimachglas und d'Chnochehand isch schlapp.
Und d'Flädermüs im Morgemantel chrüched zrugg is Bett.
De Pianomänsch im hindre'n'Egge nimmt en letschte Schluck
Und fahrt elei
Im Zug eleige hei.
Si verzelled Räubergschichte, d'Pischtole ufem Tisch.
Si lached luut und hebed d'Büch, sind bedi nümm ganz frisch.
De Staub a'r Schibe glitzret hell und d'Sunne schint i d'Baar
Und d'Räubergspängschter ächzed liis und verrecked wiederemal.
Und d'Flädermüs im Morgemantel chrüched zrugg is Bett
De Pianomänsch im hindre'n'Egge nimmt en letschte Schluck
Und fahrt elei
Im Zug eleige hei.
|
Radioprojecteur Zürich, Switzerland
Radioprojecteur ist eine Mundartband. Die Songs reichen von neuen Volksliedern über jazzige Intermezzi zu Rockballaden. 2018 startete Quirin Streuli das Projekt. Mit Linda Messerli und Benedikt Elmaleh wurde Radioprojecteur zu einem Trio mit ungewöhnlicher Besetzung (Gitarre, Cello, Bassklarinette, Gesang und musikalischen Fundstücken), Mundarttexten und vielfältigen Klangwelten. ... more
Streaming and Download help
Radioprojecteur recommends:
If you like Radioprojecteur, you may also like:
Bandcamp Daily your guide to the world of Bandcamp